FIEVRRUT / SKUHTER JA ATV
COAT Várjjaga dutkanguovllut leat guhkkin doppe váriin Várnjárggas. Doppe mii adnit dutkanstašuvnna Skoarrojogas dahje Hube-bartta dutkanbargguid oktavuođas sihke dálvet, čakčat ja geasset. Dutkanbarggus adnojit dávjá iešguđetlágan dieđalaš reaiddut, báhtterat, bargoneavvut ja dieđusge maid biebmu dutkanassisteanttaide ja dutkiide. Vai dan lea vejolaš dahkat de mii dárbbašit skuhteriid dálvet ja ATV:id geasset. COAT lea dan dihte oastán sierra skuhteriid ja ATV:id maid dábálaččat vurkkoda Čáhcesullos.
