SKOARROJOHKA GIEDDESTAŠUVDNA
Skoarrojogas Suovvejávrri oarjjabealde Unjárgga gielddas lea gieddestašuvdna mii adnojuvvo gieddebarggu oktavuođas iskkadanguovllus «Ánnejohka». UiT huksii gieddestašuvnna 2019:s ja doppe lea buot mii adnojuvvo vai sáhttá orrut ja bargat doppe sihke geasset ja dálvet. Doppe leat 8 oađđinsaji guovtti oađđenlanjas. Muđui lea maid stuora latnja gos leat buorit vejolašvuođat ráhkadit biepmu ja vuoiŋŋastit guhkes bargobeaivvi maŋŋel. Dasa lassin lea biddjon deaddu dasa ahte leat buorit fasilitehtas gos bargá biologalaš iskosiiguin mat leat váldojuvvon gieddebarggus, ja buorre vurkkodansadji dieđalaš bargoneavvuide.
HUBE-BARTA
Guovdu COAT-dutkanguovllus Stuorraveajis lea Hube-barta. Dan bartta eaiggáduššá Varanger Kraft, muhto UiT lea šiehttan láigohit dan vai COAT beassá atnit bartta dutkanáigodagaid. Hube-barta lea 2022 čavčča ja 2023 geasi divoduvvon dárbbu mielde, ja dohko lea áiti huksejuvvon ja barta lea viiddiduvvon ja ođasmahttojuvvon. Dan dihte heive dat barta dál hui bures dutkanstašuvdnan COAT:i, mas lea vuorká áittis, sierra oađđenlatnja 4 oađđinsajiin, ja stuorát váldolatnja go ovdal.
