ScanDiaSyn-bloggen 2005

Fredag 30. desember
På vetlajulaftao (altså 23. desember) fekk eg to nyheiter relatert til ScanDiaSyn, ei god og ei slik passe. Caroline (Heycock) kunne meddela at ho og Antonella (Sorace) har fått støtte til sitt treårige prosjekt om syntaktisk variasjon i færøysk, og det er jo heilt fantastisk! Dei er no på leiting etter ein færøysk vitskapleg assistent, og dei veks jo som kjent ikkje akkurat på tre... Den andre nyheiten er at Nordplus Språk har bestemt å støtta ScanDiaSyn med 60.000 DKK i 2006. Det er omtrent 5% av det vi søkte om... -Øystein

Onsdag 21. desember
Eg berre må tillata meg eit lite personleg innlegg for ein gongs skuld: Anna vart fødd i går kveld kl. 22:40, ei stor og flott pia (4330g, 51 cm). -Øystein

Laugardagur 17. desember
Forbedret blogg, nå også med kommentarer eller merknader som det heter så poetisk og fint på nynorsk. -Gunnar Hrafn

Torsdag 8. desember
Eg fekk avslagsbrevet frå NFR i dag (jf. innlegg måndag 20/11 nedanfor) saman med dei tre ekspertvurderingane. To av dei hadde gitt 7 av 7 mulige poeng på "total/overall marks", den tredje ga 6. Kva skal ein seia til slikt?! -Øystein

Mánudagur 5. desember
Ettersom dialektbibliografidatabasen om litt annonseres på Nordlingnet har jeg delt databasen opp i to versjoner. Det har altså blitt til en norsk versjon og en engelsk ... visuelt ble det litt rotete med en samlet versjon. -Gunnar Hrafn

Laurdag 26. november
Eg oppdaga at Ordbog over det danske Sprog er kommen på nett, så no er peikar lagt til frå ScanLex-sida. -Øystein

I dag presenterer Janne prosjektet på MONS 11 i Bergen. (Det var eigentleg eg som skulle gjera det, men eg held meg heime i påvente av ei viktig hending på heimefronten...) -Øystein

La ut ein peikar til Finna frå bibliografisida. Finna er ein bibliografidatabase over forsking på finlandssvensk på sidene til Svenska Litteratursällskapet i Finland. -Øystein

Endra litt hvordan søkeresultatene fra bibliografidatabasen blir vist ... det er bare å teste for å se hvordan det ser ut ... ris og (spesielt) ros blir tatt imot med glede ... bare husk at databasen fremdeles er under utvikling ... - (00.01.08, GMT) -Gunnar Hrafn

Fredag 18. november
I går og i dag har det vore litt meir diskusjon om transkripsjon i forumet.  Janne hadde eit innlegg, eg skreiv eit svar, og så kom Janne med eit motsvar. Eg håpar folk les innlegga og etter kvart tek del i diskusjonen. Det er ein viktig diskusjon. -Øystein

Torsdag 17. november
Fekk den nedslåande beskjeden frå Henrik Jørgensen i dag at søknaden til Forskningsrådet for Kultur og Kommunikation (DK) om støtte til den danske delen av prosjektet er avslått... -Øystein

Miðvikudagur 16. nóvember (dagur íslenskrar tungu)
seint og síðar meir ...

breytti heimildagagnagrunninum ... þ.e.a.s. einfaldaði leitina og svo er hægt að setja inn stikkorð núna ...

þá er bara að prófa og kvarta ef eitthvað er ekki eins og menn vilja hafa það ... ekki víst að það verði lagað med det samme ...
-Gunnar Hrafn

bætti krækjum á tvær vefsíður sem fjalla um Nordisk Netordbok inn á ScanLexsíðuna ....

- Nordisk Netordbog: Upplýsingasíða opin almenningi.
- Nordisk Netordbog: Upplýsingasíða fyrir meðlimi í verkefninu (krefst aðgangsorðs) ...
-Gunnar Hrafn

Måndag 14. november
Etter at eg la ut lista over nettordbøker på fredag, vart eg kontakta på mail av Poul Hansen som driv Öresunds Översättningsbyrå saman med kona si, Kerstin. Dei har laga fleire spesialordlister frå dansk til svensk og lagt dei ut på heimesida si til glede for nokon kvar. Det fortener saktens ein peikar frå ScanLex-sida! Dessutan la eg òg til ein peikar til FreeTranslation.com – der kan ein setja om gratis frå engelsk til norsk som einaste nordiske språk! (Rett nok går omsetjinga berre ein veg.) -Øystein

Fredag 11. november
På ScanLex-sida (under "Prosjekt (pl.)" har eg lagt ut ein del peikarar til diverse ordboksressursar på Internett. Igjen er dette meint som ein start, og kom gjerne med framlegg om fleire ressursar som det bør peikast til.

Då eg leita litt på nettet etter slike sider, kom eg forresten over ei ustyrteleg morsom side. Øyvind Borgenholt, som synest å vera talar av odalsmål, har skrive eit program som automatisk set om avissider på internett til odalsmål – eller trøndersk eller barnespråk. Dei to sistnemnde var ikkje heilt overbevisande (for barnespråk virkar det berre som om alle r-ar blir erstatta med l-ar), men odalsversjonen var utruleg morsom. Det var forresten frå denne oversikta over ordbøker og dialektar for nordiske språk, at eg fann fram til Odalizer-sida.

-Øystein

Prosjektskissa for det islandske prosjektet ("Variation in syntax") er no lagt ut her (dessutan med peikar frå sida til den islandske forskargruppa under "Nettverk"). Þakkir til Gunnars Hrafns sem þýddi smá lýsingu yfir á íslensku! - Øystein

Onsdag 2. november
Har gjort to ting med sidene i dag. 1) Eg fjerna mappa "Peikarar/Links" i venstremenyen, og flytta oversikten over dialektsamlingar "opp", slik at det no er den som ligg der. 2) Eg har oppretta mappa "Prosjekt/Projects" (i venstremenyen), og har samla delprosjekta under ScanDiaSyn der. Difor flytta eg òg ScanLex-mappa dit.

Elles har Thor Øivind lagt inn ktml her på blogg-sida, så no er det lettare for nokon kvar å skriva her. (Kjekt òg med skilleliner mellom innlegga!)

- Øystein

Tysdag 1. november
Eg har lagt til nokre peikarar til andre bibliografidatabasar o.l. i "Bibliografi"-mappa. Ein flau start... Er det nokon som kan komma med fleire liknande ressursar? Send meg ein mail i så fall! - Øystein

Måndag 31. oktober
Eg tenkte det var på tide å begynna med ein blogg her på sida, ikkje for å kunna komma med så mange meir eller mindre halvvittige ytringar, men for rett og slett å gjera folk merksame på (større) endringar og tillegg som blir gjort. Etter kvart håper eg det blir fleire som deltek i redigeringa av desse sidene ut over meg, Thor Øivind og Gunnar Hrafn – alt er jo lagt til rette for det – og då er det fint om det blir lagt att kvitteringar her i bloggen.

Eit første spørsmål: Should I blog in English? Nei, søren heller! Men andre må jo for all del gjera det viss dei vil. Da besta hadde no vore om eg skraiv pá sognamál, í og me atte detta tross alt e ait dialektprosjekt, men da hadde vel vore o dra'ra litt fø lángt... Vel, folk må no elles altså skriva på det målet dei vil her.

Tilbake til loggføringa: Det er jo heilt umuleg å rekonstruera (i detalj) korleis desse sidene i løpet av det siste halvanna året er blitt slik dei er no. Eg nøyer meg med den siste veka!

- I forrige veke var det litt aktivitet på forumet (diskusjon om transkripsjon), men førebels tykkjer eg ikkje det er så veldig mykje liv og røre. Ikkje er det mange som har registrert seg heller. Hví?!

- Gunnar Hrafn har jobba med bibliografidatabasen som han begynte på medan vi var på Færøyane. No håpar eg folk legg inn arbeid der, og svært gjerne kommentarar og/eller samandrag av arbeid dei les.

- Eg har lagt ut ein rapport for møtet på Færøyane. (Ein kan klikka seg inn frå "Aktivitetar" viss ein ikkje ser at det er ein peikar her.)

- Inspirert av det siste la eg i dag òg ut referatet frå gruppeleiarmøtet i Lund i februar som Tor A. hadde ført i pennen. (Kanskje kjem det meir slikt...)

- Før helga la eg òg ut prosjektbeskrivinga for ScanLex, og dessutan ein kort presentasjon av SveDiaSyn som Henrik R hadde skrive.

Meir seinare!

- Øystein