Tilkoplingsfiler

Men du kan ikkje bruka alle tilkoplingsfilene utan vidare. For mange fagdatabasar krevst det brukarnamn og passord fordi ein må ha abonnement for å få tilgang. UB abonnerer på mange fagdatabasar. Vanlegvis, når du er på nettet, får du tilgang via IP-godkjenning. I og med at EndNote ikkje er online, må tilkoplingsfilene til desse databasane setjast opp på ein spesiell måte.

Lista nedfor inneheld tilkoplingsfiler til databasar der ein treng abonnement for å få tilgang. Nokre av tilkoplingsfilene finst i EndNote frå før, men utan dei rette opplysningane for brukarar ved UiT. Tilkoplingsfilene i lista nedfor her er sett opp på rett måte, slik at du kan ta dei i bruk utan å gjera noko med dei.

NB! Har du lasta ned EndNote X4 frå heimesidene våre, treng du berre å lasta ned tilkoplingsfiler med dato etter 01.09.2010.

EndNote X2/X3/X4: For at du skal kunna bruka desse tilkoplingsfilene, må du lasta dei ned til maskinen din. Vel dei databasane frå lista nedfor som du kjem til å ha bruk for, og klikk på lenka til høgre i lista for kvar tilkoplingsfil du ønskjer å lasta ned. Då får du valet om du vil lagra eller opna denne tilkoplingsfila. Vel opna. Viss du ikkje hadde starta EndNote enno, vil programmet bli opna no. Vel Save As frå File-menyen. Så kjem det opp eit nytt vindauge der du kan redigera namnet på fila. Du må gjerne fjerna "_", "[1]" og "Copy" frå namnet, slik at det ser litt penare ut. Klikk deretter på Save. Når fila er lagra, finn du ho i Online Search. Fila blir lagra automatisk i mappa EndNote|Connections under Mine Dokument. Dette er standardmappa for redigerte tilkoplingsfiler.

Viss du bruker EndNote X1, skal tilkoplingsfilene lagrast i følgjande mappe: EndNote X1|Connections som du vanlegvis finn under C:|Programfiler.

Etter at du har lagra desse tilkoplingsfilene, kan du opna EndNote og bruka Online search for å laga samband til desse databasane og importera referansar frå dei.