Termlister
I EndNote finst det noko som ein kallar for term lists, eller termlister på norsk. Du får tilgang til dei frå Tools-menyen. Ei termliste er ei liste der du kan lagra termar som forfattarnamn, emneord eller tidsskrifttitlar. Ved å bruka termlistene aktivt blir du meir konsekvent og nøyaktig i bruk av desse termane. I tillegg kan tidsskriftlista brukast til forkortingar av tittelen.
Bruker du standardinnstillingane i EndNote, skjer oppdatering av termlistene automatisk. For kvar gong du legg inn eit ord i eitt av dei felta i referansen som er knytt til termlistene, vil termen føyast til i den rette termlista viss han ikkje finst der frå før.
I ein ny EndNote-database er det tre tomme termlister klare til bruk: forfattar, tidsskrift og emneord. Når du skriv ein term i eitt av dei felta som er knytt til desse termlistene, vil du sjå at EndNote foreslår den nærmasta termen til det du held på å skriva. Kjem du til eit punkt der det ikkje finst fleire termar som liknar, blir termen raud. Det betyr at han er ny i denne termlista.
Leggja til termar i ei termliste
Automatisk oppdatering
Leggja til ny term i termliste manuelt
Manuell oppdatering av termliste
Importera termar til ei termliste
Termliste for tidsskrift
Om tidsskriftlista
Importera tidsskriftliste
Laga ei litteraturliste med forkortingar
